ژنهكا كریستیان پشتى كو ههڤژینێ وێ وهغهركرى، ترومبێلا وى وهكو بیرهاتن دانایه سهر بانێ خانیێ خوه، ژبهركو ترومبێلا وان دبیته كهڤنترین ترومبێل ل پارێزگهها دهۆكێ.
43 ساله ترومبێلهكا لادا كرى و نوكه دانایه سهر بانێ خانیێ خوه
جهمیلا گیوهرگیس، ههڤژینا خودانێ ترۆمبێلێ بۆ وشه گۆت"ل سالا 1940 مالا مه هاتیه دهۆكێ و مه ل نێزیك بازاڕى خانیهك بخوه چێكر، پاشى ل سالا 1977 مه ترۆمبێلهك ژ جورێ لادا ب سفر كیلومهتر كرى ژبهركو ههڤژینێ من بناڤێ بابێ تهلال جورج كارێ بهلێندهریێ دكر و نهشیا بێ ترومبێل كارێن خوه بكهت"
زێدهتر گۆت"ههڤژینێ من ترومبێل ل بهغدا كرى ب سێ هزار دیناران، ل وى دهمى دهۆكێ ب هژمارا تبلێن دهستى ترۆمبێل ههبوون و گهلهك ژى د بێ سهر و بهر بوون، ههتاكو ههڤژینێ من وهغهركرى كار ل سهر ترۆمبێلێ دكر و نه فروت، لهوا وهكو رێزگرتن بۆ ههڤژینێ خوه و ئهوان بیرهاتنێن مه ل گهل ترۆمبێلێ بوراندى، من ترۆمبێلا وى دانایه سهر بانێ خانى و پاراستنێ ل سهر دكهم"
ناڤبرى دیاركر ژى كو چهندین كهسان ل ههولێر و سلێمانى و دهۆك و جهێن دى قهستا مالا وێ كریه داكو ترۆمبێلا وان بكرن و پارهكێ باش ژى دایه وێ و زێدهتر گۆت "ئهز ترۆمبێلێ ب ههموو مالێ دنیایێ نادهم و دێ لدهڤ خوه پارێزم، داخوازێ ل زاروكێن خوه ژى دكهم كو پشتى مرنا من ترومبێل بمینیت یان ژى ببهن موزهخانهكێ، ژبهركو مه گهلهك بیرهاتن ل گهل ههنه، ئهڤه زێدهبارى كو ئێكه ژ كهڤنترین ترۆمبێلێن دهۆكێ و هێمایهكێ گرنگه بۆ دهڤهرێ"
ترۆمبێلا وان ئهڤه بۆ دهما 10 سالایه ل سهر بانێ خانى و رۆژانه خهلك قهستا مالا وان دكهت داكو وێنهیان ل گهل بگرن، بهلێ ژ ئهگهرێ كارپێنهكرن و گورانكاریێن كهشوههواى د نوكه دا ترۆمبێل كارناكهت.
دهۆك/ نهوزاد هلۆرى