ئاژانسی رۆیتەرز لە راپۆرتێكدا ئاشكرای كردووە، بەڵێنی عێراق بۆ پابەندبوون بە رێككەوتنی ئۆپیك پڵەس، راستەوخۆ كاریگەریی بەسەر نرخی نەوت هەبووە و بەرزی كردووەتەوە.
ماڵپەڕی حوڕەی ئەمەریكی ئەمڕۆ شەموو 20ی حوزەیران پوختەی راپۆرتەكەی رۆیتەرزی بڵاو كردووەتەوە و باسی لەوە كردووە، بەهۆی بەڵێنی عێراق و كازاخستان بۆ پابەندبوون بە رێككەوتنی كەمكردنەوەی بەرهەمی نەوت، نرخی نەوت بەرز بووەتەوە.
ئەو رێككەوتنەی لە سەرەتای مانگی نیسانی رابردوو لە لایەن ئۆپیك و وڵاتانی تری بەرهەمهێنی نەوت ئەنجام دراوە
بەگوێرەی ئەو زانیارییانەی رۆیتەرز بڵاوی كردووەتەوە، دوێنێ هەینی نرخی بەرمیلێك خاوی برێنت گەیشتووەتە 42 دۆلار و 19 سەنت، هەروەها خاوی تێكساسی ئەمەریكیش گەیشتووەتە 39 دۆلار 75 سەنت. واتە خاوی برێنت بە رێژەی 9% و خاوی ئەمەریكیش بە رێژەی 8.7% بەرز بووەتەوە.
بەگوێرەی ئەو رێككەوتنەی لە سەرەتای مانگی نیسانی رابردوو لە لایەن ئۆپیك و وڵاتانی تری بەرهەمهێنی نەوت ئەنجام دراوە، عێراق دەبێت رۆژانە بڕی ملیۆنێك و 60 هەزار بەرمیل كەم بكاتەوە.
لە دوو هەفتەی رابردوودا راپۆرتەكان ئاشكرایان كرد، عێراق بەتەواوی پابەند نەبووە بە كەمكردنەوەی بەرهەمی نەوت.