نێچیرڤان بارزانی سەرۆكی هەرێمی كوردستان، پرسەنامەیەكی بۆ كۆچی دوایی هونەرمەندێكی شاری هەولێر بڵاو كردەوە.
ئەمڕۆ پێنجشەم 26ی كانوونی دووەم، نێچیرڤان بارزانی سەرۆكی هەرێمی كوردستان پەیامێكی بڵاو كردەوە و رای گەیاند، بەداخەوە، هەواڵی كۆچی دوایی هونەرمەندی شانۆكاری ناسراوی هەولێر و كوردستان "غازی غەفوور"م بیست.
" پرسە و سەرەخۆشیی قووڵم ئاراستەی كەسوكار و ھاوڕێ و دۆستانی و تێكڕای هونەرمەندانی هەولێر و كوردستان دەكەم، هاوسۆز و هاوخەمیانم" نێچیرڤان بارزانی وای نووسیوە.
هەروەها گوتوویەتی، لە خوای مەزن داواكارم گیانی خوالێخۆشبوو بە بەزەیی و میهرەبانیی خۆی شاد بكات و ئارامی و دڵنەوایی بە خێزان و كەسوكار و هاوڕێیانی ببەخشێت.