د بەردەوامیا كار و پروژێن وەبەرهێنانێ، حکومەتا هەرێما کوردستانێ هەردوو سەکتەرێن چاندن و پیشەسازیا خوارنێ گرنگییەکا تایبەت پێ ددەت ژبەرکو ژیار و سروشتێ دەڤەرێ پتر یێ گونجایە کو وەبەرهێنانێ دڤان سەکتەران دا بهێتەکرن.
فەلاح حەسەن، ژ رێڤەبەریا گشتی یا وەبەرهێنانێ ل پارێزگەها دهۆكێ بۆ "وشە" گۆت، د بەردوامیا وان كار و پرۆژان دا كو ژلایێ حوكمەتا هەرێما كوردستانێ ب تایبەتی د وارێ پێشەسازی و چاندن و خوارنێ دا دهێنە دروستكرن، سێ نووترین پرۆژێن وەبەرهێنانێ دوارێ چاندنێ دێ ل سنورێ پارێزگەها دهۆكێ هێنە دروستكرن و مولەت وەرگرت.
زێدەتر گۆت، ئەو پرۆژە ژی پێكدهێن ژ پڕۆژەیێ کارگەها بستان یا بەرهەمئینانا گۆشتێ بەستی و مقرمشاتایە کو سەرمایێ وی پڕۆژەی نێزیکی نەه ملیون 500 سەد هزار دۆلارایە و وژلایێ وەبەرهێنەرێ کۆمپانیا GRAND WAVE ل سەر رووبەرێ (37990م2 هێتە ئاڤاکرن و پێک دهێت ژ ژۆرا کۆنترۆلی، دوو ژۆرێن بەرهەمئینانێ، کارگێڕیا پڕۆژەی، تەکەیا چارسەریا ئاڤا گران، پارک و جهێن ڤەکری دێ دماوێ دوساڵان دا هێتە بجهئینان، پرۆژێ دوویێ ژی پێكدهێت ژ دروستكرنا کارگەها رۆڤیا یا بەرهەمئینانا جگاران و توتنێ یە و سەرمایێ پڕۆژەی ژی پتری هەشت ملیون و 600 سەد هزار دۆلاریە و ژلایێ وەبەرهێنەر حسێن بشار مشیر ڤە دێ دماوێ دوو ساڵان دا هێتە بجهئینان، پڕۆژە ژ هۆڵا بەرهەمئینانێ، کۆگەهێن کرەسەرەیان، کارگێڕی، دوو ژۆرێن کۆنترۆلی، جهێن تایبەت بۆ کریکاران، یەکا چارەسەریا ئاڤاگران و پارک و جهێن ڤەکری پێک دهێت، پڕۆژەیەکێ دیتر ژی کۆگەهێن حسێن یێن سارکەر بۆ عەمبارکرنا بەرهەمێن چاندنێ یە کو ب سەرمایێ دوو ملیون و 500 سەد هزار دۆلارایە ژلایێ وەبەرهێنەر حسێن بشار مشیر ڤە ل سەر رووبەرێ (26690م2 هێتە بجهئینان و پڕۆژە پێک دهێت ژ دوو هۆڵێن بەفرگران، ژۆرا کۆنترۆلا، کارگێڕیا پڕۆژەی، جهێن کرێکاران، گهۆڕکێن کارەبێ، پارکێن راوەستاندنا ترومبێلان، کەسکاتی و دەڤەرێن ڤەکری.
دهۆك، نەوزاد هلۆری: