دوای ئەوەی دوێنی حكوومەتی عێراق رای گەیاند 21 ی ئاداری 2023 لە تەواوی عێراق پشووی فەرمییە بەبۆنەی جەژنی نەورۆزەوە، ئەمڕۆ لە بڕیارێكی پارێزگای سەڵاحەددیندا هاتووە كە دوو رۆژی تریش "چوارشەم و پێنجشەم" بەهۆی نەورۆزەوە بۆ شارەدێی خوورماتوو دەكرێتە پشووی فەرمی.
لە بەیاننامەیەكی پارێزگای سەڵاحەددین كە وێنەیەكی دەست "وشە" كەوتووە هاتووە، چوارشەم و پینجشەمیش لە تەواوی دام و دەزگا و قوتابخانەكانی سنووری شارەدێی خورماتوو پشووی فەرمیی دەبێت.
ئاماژە بەوەیش كراوە، پشووەكە فەرمانگە خزمەتگوزاریی و تەندروستییەكان ناگرێتەوە.
شارەدێی خوورماتوو دەكەوێتە سنووری ناوچە كێشەناكۆكی لەسەرەكان و مادەی 140 و ناوچەیەكی كوردییە و ناوەكەی لە دوو وشەی لێكدراوی كوردی "توت" كە بەمانای بڕێكی زۆر لە خوورما دێت و بەشی دووەمیشی هەر كوردیە "خورما" پێك دێت.