ب مەرەما خزمەتکرنا وەلاتیان د هەیڤا ڕەمەزانێ دا، 50 شوقە ل سەر هەژار و کێمدرامەتان ل زاخۆ هاتنە دابەشکرن، ل گەل ئەرزاق و کوژمەکێ پارەیی.
گوهدار شێخو، سەرپەرشتێ ئیدارا سەربخوەی یا زاخۆ دیارکر کو ب پشتەڤانیا راستەوخۆ یا مەسروور بارزانی، سەروکێ حوکمەتا هەرێما کوردستانێ بەرنامێ هاریکاریکرنا کەسێن هەژار وکێمدەرامەت ل زاخۆ د هەیفا رەمەزانێ دا بەردەوامە و گۆت، دڤی بەرنامەی دا 50 شوقە دناڤ زاخۆ ل سەر کەسێن هەژار وکێمدەرامەت هاتنە دابەشکرن بۆ هندێ هندەک ژ خەم و نەخۆشیێن خەلکی سڤک بکەین، ئەڤ یەک ژی ب گورەی هندەک پیڤەران بویە.
زێدەتر گوت، ژبلی شوڤەیان، هەڤدەم 10 هزار کارتونێن ئەرزاقی و پێنج هزار پشکێن دی یێن پارەیی ژی هاتینەدان بو کەسێن هەژار و پێدڤی ب گورەی چەند پیڤەران د هەیڤا رەمەزانێ دا.
ناڤبری دیارکر ژی کو بەرنامە هەتا دوماهیا رەمەزانێ دێ یا بەردەوام بیت و گوتژی، سوپاسیا سەروکێ حوکمەتا هەرێما کوردستانێ و هەموو وەبەرهێنەر و حێرخوازێن پشکدار دڤی پرۆژەی دا دکەین کو ئەڤە سالا سێ یێ یە بەردەوامە، ب ئانەهیا خودێ ب گورەی شیان دێ بەردەوام بین.