ماوەی هەفتەیەكە كوردستان بارانی زۆر و تەزرە و هەورەتریشقە و هەندێك جاریش بەفری بەخۆیەوە بینی، كەشناسی ڕای گەیاند، رۆژانی داهاتوو پلەی گەرما بەرز دەبێتەوە.
بەڕێوەبەرایەتیی گشتیی كەشناسی و بوومەلەرزەزانی هەرێمی كوردستان بڵاوی كردەوە، ئەمڕۆ چوارشەم هەشتی ئایار، ئاسمان نیمچەهەور دەبێت و ئەگەری بارانێكی كەم لەسەر هەندێك ناوچەی شاخاوی و سنوورییەكان هەیە.
بەڕێوەبەرایەتیی كەشناسی دەڵێت، سبەینی پێنجشەم نۆی ئایار، ئاسمان پەڵەهەور و نیمچەهەور دەبێت.
كەشناسی ئاماژەی بەوەش دا، ئەمڕۆ و سبەینێ گەرما دوو تا پێنج پلە بەرز دەبێتەوە و تا شەمووی داهاتوو، ڕۆژانە گەرما دوو پلە بەرز دەبێتەوە.
بەرزترین پلەكانی گەرمای پێشبینیكراو بە پلەی سیلیزی
هەولێر : 27
سلێمانی: 25
دهۆك : 24
زاخۆ : 25
هەڵەبجە :27
كەركووك: 29
سۆران : 21
حاجی ئۆمەران: 15
گەرمیان : 32