پسپۆڕانی ته‌ندروستی ده‌ڵێن تاڵه قژه‌كان، ده‌توانن وه‌ك ئاماژه‌یه‌كی گه‌وره‌بن بۆ ئه‌وه‌ی له جه‌سته‌دا روو ده‌دات، به جۆرێك ته‌نانه‌ت مردنی كۆرپه‌ڵه‌ی سكیش ده‌رده‌خات.
ئانابێل كینگسلی ڕاوێژكاری ته‌ندروستیی قژ ڕوونی ده‌كاته‌وه، قژ هه‌ستیاره به ناهاوسه‌نگی ناوه‌وه، كه‌سێك ڕۆژانه نزیكه‌ی 100 مووی له ده‌ست بدات، به‌ڵام كاتێك به‌رده‌وام مووی زیاتر له ئاسایی ده‌ڕوات، ئه‌گه‌ری زۆره كێشه‌یه‌كی بنه‌ڕه‌تی هه‌بێت.
كینگسلی باس له‌وه ده‌كات كه هه‌ڵوه‌رینی قژ له ڕاده‌به‌ده‌ر به‌هۆی هه‌ندێك تێكچوونی ناوه‌وه‌یه، وه‌ك كه‌میی ئاسن و ڤیتامین B12 و ڤیتامین Dو تێكچوونی غوده‌ی ده‌ره‌قی، له‌وانه كه‌میی غوده‌ی ده‌ره‌قی و زیادبوونی غوده‌ی ده‌ره‌قی، هه‌روه‌ها دابه‌زینی خێرای كێش.
هۆكاره‌كانی تری زیاده‌ڕۆیی له هه‌ڵوه‌رینی قژ، بریتین له خراپیی خۆراك، فشاری ده‌روونی، تایه‌كی به‌رز، نه‌شته‌رگه‌ری له ژێر بێهۆشكردنی گشتی و هه‌ندێك ده‌رمان.
- هه‌ڵوه‌رین و ته‌نكبوونه‌وه‌ی قژ له ئافره‌تاندا
زۆرجار ناهاوسه‌نگی هۆرمۆنه‌كان هۆكاری هه‌ڵوه‌رین یان ته‌نكبوونه‌وه‌ی قژن له ئافره‌تاندا.
پسپۆڕی قژ ئیلێنا لاڤاگن ڕوونی ده‌كاته‌وه، حاڵه‌ته‌كانی وه‌ك نه‌خۆشیی هێلكه‌دانی پۆلیسیستیك (PCOS) ده‌بێته هۆی جۆرێك له هه‌ڵوه‌رینی قژ كه به قژ هه‌ڵوه‌رینی ئه‌ندرۆجینیك ناسراوه.
هه‌روه‌ها زیادبوونی غوده‌ی ده‌ره‌قی له‌وانه‌یه ببێته هۆی ته‌نكبوونه‌وه‌ی قژ، له كاتێكدا كه‌مبوونه‌وه‌ی غوده‌ی ده‌ره‌قی ده‌بێته هۆی وشكبوونه‌وه‌ی قژ و هه‌ڵوه‌رینی قژ به‌شێوه‌یه‌كی به‌رچاو، هه‌روه‌ها هه‌ڵوه‌رینی قژ ده‌توانێ نیشانه‌یه‌كی باوی وه‌ستانی سووڕی مانگانه بێت.
- خوران یان قڵیشان له‌سه‌ر پێستی سه‌ر
قڵیشان ده‌توانێ نیشانه‌ی گه‌شه‌كردنی زیاده‌ڕۆیی، هه‌ستیاری، یان كه‌می ترشه چه‌ورییه سه‌ره‌كییه‌كان و كه‌می ڤیتامینه‌كانی A، B2، B3، B6 و C، بایۆتین و كانزاكانی مه‌نگه‌نیز، سیلینیۆم یان زینك بێت.
ده‌كرێت به‌هۆی فشاری ده‌روونی، هه‌سته‌وه‌ریی شامپۆ، یان حاڵه‌ته‌كانی پێست، وه‌ك سه‌ده‌فی پێستی سه‌ر یان ئه‌كزیما ئه‌وه روو بدات.
قژی زۆر چه‌ور
شاره‌زایان ده‌ڵێن: "ناهاوسه‌نگی هۆرمۆنه‌كان یان شێوازه نادروسته‌كانی چاودێریكردنی قژ، ده‌توانێت هۆكاری پشت چالاكیی زۆری ڕژێنه چه‌ورییه‌كان (كه ده‌كه‌وێته ناو تاڵه‌كانی قژه‌وه) بێت."
پێستی سه‌ری چه‌ور "له‌و كه‌سانه‌دا باو و ئاساییه كه نه‌خۆشیی هێلكه‌دانی فره كیسیان هه‌یه". فشار ده‌توانێت "به‌رهه‌مهێنانی چه‌وری زیاد بكات، ئه‌مه‌ش وا ده‌كات پێستی سه‌ر به خێرایی چه‌ور بێت".