وه‌ك ئاماده‌كاری بۆ ئه‌زموونان و پاراستنا ماموستا و قوتابیان ژ په‌ژیكا كۆرۆنایێ، 15 هزار ده‌مامك و هژماره‌كا كه‌لوپه‌لێن خوه‌پاراستن و كه‌رستێن تافیلكرنێ، ژلایێ رێكخراوا یونسێف ل سه‌ر هولێن ئه‌زموونان ل پارێزگه‌ها دهۆكێ هاتنه دابه‌شكرن.
ژلایێ رێڤه‌به‌رییا گشتی یا په‌روه‌ردا پارێزگه‌ها دهۆكێ بۆ روژا ئه‌زموونان هاتینه‌كرن
دڤی واریدا ئه‌ڤرۆ چوارشه‌مبی 8ێ خزیرانێ، ئه‌حمه‌د زوبێر به‌رپرسێ راگه‌هاندنا رێڤه‌به‌رییا گشتییا په‌روه‌ردا پارێزگه‌ها دهۆكێ بۆ "وشه" گۆت، ب مه‌ره‌ما پاراستنا گیانێ ماموستا و قوتابیان ژ په‌ژیكا كۆرۆنایێ، پتری 15 هزار ده‌مامك و كه‌لوپه‌ل و كه‌رسته‌یێن تافیلكرنێ ل سه‌ر هولێن ئه‌زموونان ل پارێزگه‌ها دهۆكێ هاتنه دابه‌شكرن.
زێده‌تر گۆت "ئه‌ڤ كه‌لوپه‌له ژلایێ رێكخراوا یونسێف یا جیهانی هاتینه دابینكرن، هه‌موو پێرابوونێن كارگێری و خوه‌پاراستنێ ژلایێ رێڤه‌به‌رییا گشتی یا په‌روه‌ردا پارێزگه‌ها دهۆكێ بۆ روژا ئه‌زموونان هاتینه‌كرن كو بریاره روژا 11ێ خزیرانێ بهێنه ئه‌نجامدان"
ل پارێزگه‌ها دهۆكێ 10 په‌روه‌رده هه‌نه و پتری 30 هزار قوتابی دێ پشكداریێ د ئه‌زموونان دا كه‌ن، دوهی مه‌سرور بارزانی سه‌رۆكێ حكوومه‌تا هه‌رێما كوردستانێ، هه‌رئێك ژ پارێزگاری دهۆكێ و وه‌زیرێ په‌روه‌ردێ راسپاردن كو ل سه‌ر ئه‌ركێ وی هه‌موو پێرابوونێن پێدڤی بو قوتابیێن سه‌ر ب په‌روه‌ردا شنگالێ بكه‌ن داكو بشێن بێ ئاریشه ئه‌زموونێن خوه ل پارێزگه‌ها دهۆكێ ئه‌نجام بده‌ن.
هه‌تا نوكه ل سنورێ پارێزگه‌ها دهۆكێ 231 كه‌س تووشی كۆرۆنایێ بووینه، د نوكه دا تنێ 67 تووشبوو هه‌نه و ئه‌وێن دی هه‌موو چاك بووینه.