ده‌ما 24 ده‌ژمێرێن بورى ل سنوورێ پارێزگه‌ها دهۆكێ 10 روودانێن ترافیكێ رووداینه و د ئه‌نجام دا نێزیكێ 13 كه‌س برینداربوون و پترى 15 ترومبێل ژى تێكچوون.
ب گوره‌ى داتا و دوڤچونێن مه‌یدانى یێن وشه دده‌ما 14 ده‌ژمێرێن بورى ل سنوورێ پارێزگه‌ها دهۆكێ 10 رودانێن هاتن و چونێ رووداینه، زورترین روودان ژى ل سه‌نته‌رێ باژێرێ دهۆكێ بوون.
روودان ل هه‌رئێك ژ ده‌ڤه‌رێن زاخۆ، سێمێل، ئامێدیێ و دهۆكێ بوون و مه‌زنترین روودان ژى پێكدانا هه‌شت ترومبێلان بوو ل سه‌نته‌رێ باژێرێ دهۆكێ و روودانا دوویێ ژى دناڤبه‌را باعه‌درێ و دهۆكێ روودایه.
هه‌ر ب گوره‌ى پێزانینێن وشه، ژ ئه‌گه‌رێ روودانێن 24 ده‌مژێرێن بورى نێزیكێ 13 كه‌س ژى برینداربووینه و هاتینه ره‌وانه‌كرن بۆ نه‌خۆشخانا ته‌نگاڤیان، و نێزیكێ 15 ترومبێل ژى تێكچوینه و زیانێن ماددى پێكه‌فتنه.
پشكه‌ك ژوان روودانان ژ ئه‌گه‌رێ قه‌ده‌غه‌یا هاتن و چونێ بویه و وه‌لاتیان و شوفێران له‌زاتى بكاردئینا داكو دده‌ما خوه دا و به‌رى قه‌ده‌غه‌یا هاتن و چونێ بگه‌هن مالێن خوه ژبه‌ركو رێژه‌یه‌كا ئێكجار زۆر یا خه‌لكى قه‌ستا جهێن گه‌شتوگۆزار و سه‌یرانگه‌هان كربوو.