سەرهەد تۆفیق لەبارەی ڕۆمانی "شنروێ" باسی مەرگەساتی خەڵكی ئەنفال لە گرتووخانەی نوگرەسەلمان و عەرعەر و تەواوی گرتووخانەكانی تر دەكات. ڕۆمانەكە دیكیۆمینتارییە و بە داتاوە نووسراوە.
سەرهەد تۆفیق لە لێدوانێكیدا بۆ "وشە" گوتی، ئەو ناوانەی وەك كارەكتەر بەكارم هێناون، تەواوی ناوەكان ناوی ڕاستین و خوازراو نین.
ئاماژەی بەوەش دا، ناوی ئەو فەرماندە سەربازییانەی بەشدار بوون و ئەو فەرماندە پێشمەرگانەشی كە بەشداری شەڕی ئەنفالیان كردووە، هێناوە و لە رۆمانەكەدا هەن.
ئەم ڕۆمانە دیكیۆمینتارییە و بەسوودوەرگرتن لە بەڵگەنامەكان و زانیاریی نووسەر لەسەر ئەنفالەكان نووسراوە. پاڵەوانی ئەم ڕۆمانە یەكێكە لە قوربانییەكانی هەڵەبجە و ئێستە لە ژیاندایە.