جیا لە زۆرخواردن چەندان هۆكاری تر هەن كە رەنگە ببنە هۆی
زیادبوونی كێشی لەش ئەگەر وەرزشیش بكەیت و پێڕەوی ژیانێكی تەندروستیش بیت، ئەوان چین؟.
یەكەم/ خەمۆكی، نەخۆشییەكی دەروونییە رەنگە ببێتە هۆی ئەوەی مرۆڤ كۆنترۆڵی خواردنی نەكات، جیا لەوەی پاڵنەری پاراستنی كێشێكی تەندروستی نامێنێت.
دووەم/ حەبی نەهێشتنی دووگیانی.
سێیەم/ شێوانی چەند ناوچەیەكی مێشك كە دەبێتە هۆی ورووژانی هەستكردن بە برسیەتی كە زیاتر بەهۆی تووشبوونی رووداو و بەركەوتنی گورزێك بە سەر دروست دەبێت.
چوارەم/ سووڕی مانگانە، ئەو گۆڕانكاریانەی میزاج لە سووری مانگانە رەنگە كێش زیاد بكەن.
پێنجەم/ هۆكاری بۆماوەیی، واتە بوونی قەڵەوی و زیادی كێش لە ناو خێزان و وەرگرتنی لە باوانەوە، بەڵام دەتوانرێت لە رێگەی وەرزشكردن و كۆنترۆڵكردنی خۆراكەوە كۆنترۆڵ بكرێت.
شەشەم/ تەمەن، لەگەڵ هەڵكشانی تەمەن تێكڕای پرۆسەی میتابۆلیسم سست دەبێت و دەبێتە هۆی كەلەكەبوونی چەوری.
حەوتەم/ شڵەژانی دەروونی، لەو حاڵەتانە كەسانێك بێ ئاگاداربوون خواردنێكی زۆر دەخۆن و چەوری لە لەشیان كۆ دەبێتەوە.
هەشتەم/ كەمخەوی، دەبێتە هۆی ماندووبوون و شەكەتی و زیادبوونی كێشی لەش.
نۆیەم/ وەرزش نەكرن، شێوازی ژیانی جێگیر و خۆماندوو نەكردن ئەو كێشە دروست دەكات، جیا لە وەرزش نەكردن كە پرۆسەی میتابۆلیسم سست دەكاتەوە.