دووگیانى ئافره‌تان له‌ 40 هه‌فته‌دا (هه‌فته‌ى 12)



له‌ هه‌فته‌ى دوانزه‌یه‌م ئه‌م پزیشكه‌ پسپۆڕه‌ باس له‌ دروستبوونى كۆ ئه‌ندامى زاوزێى منداڵ ده‌كات، ئه‌مه‌ ئه‌و كاته‌یه‌ كه‌ دایك ده‌زانێت ڕه‌گه‌زى كۆرپه‌ڵه‌كه‌ى چییه‌.
 
دكتۆر گوڵاڵه‌ محه‌مه‌د پسپۆڕى نه‌زۆكى و منداڵان له‌ ڕێگه‌ى "وشه‌"ه‌وه‌ هه‌فته‌ى دوانزه‌یه‌مى دووگیانى ڕوون ده‌كاته‌وه‌ و ده‌ڵێ، ئێسته‌ هه‌موو ئه‌ندامانى كۆرپه‌ڵه‌ دروست بووه‌، نینۆك و مووى سه‌رى منداڵ ده‌ست ده‌كه‌ن به‌ گه‌شه‌كردن، له‌ ناو سكى منداڵ گورچیله‌كان دروست ده‌بن و ده‌ست ده‌كه‌ن به‌ دروستكردنى میز.

ئه‌م پزیشكه‌ پسپۆڕه‌ ده‌ڵێت، ئه‌ندامى زاوزێ ده‌ست ده‌كه‌ن به‌ وه‌رگرتنى بۆماوه‌ ڕه‌گه‌زییه‌كان، ڕیخۆڵه‌كان ده‌ست ده‌كه‌ن به‌ گرژبوون و خاوبوونه‌وه‌، هه‌روه‌ها كاتێك پشكنین ده‌كه‌ى پزیشك ده‌توانێت پێت بڵێت ڕه‌گه‌زى منداڵه‌كه‌ت چییه‌.

دكتۆر گوڵاڵه‌ ده‌ڵێ، له‌م هه‌فته‌یه‌دا منداڵ زیاتر گه‌وره‌ ده‌بێت و به‌رز ده‌بێته‌وه‌، به‌مه‌ش كه‌متر دایك میز ده‌كات و په‌ستان كه‌م ده‌بێته‌وه‌ له‌سه‌ر میزڵدانت، به‌ڵام تووشى سه‌ر سوڕان و سه‌رئێشه‌ ده‌بیت، پێویسته‌ بچیت بۆ لاى پزیشك بزانیت چ ڤیتامینێكت كه‌مه‌ بۆ چاره‌سه‌ر، وه‌رى بگرى.


ئەو پزیشکە پسپۆرە لە ڕێی "وشە"ەوە بەردەوام دەبێ لە خستنەڕووی زنجیرە ئامۆژگارییەکانی بۆ ئافرەتان لە پرۆسەی سکپڕیدا و لە ئامۆژگارییەکانی داھاتوویدا باس له‌ هه‌فته‌ى سێزده‌یه‌م ده‌كات كه‌ دایك دۆخیى ناهه‌موارى تێده‌په‌ڕێنێت و كۆرپه‌ڵه‌ زۆر سه‌رقاڵ ده‌بێت و زۆریش ماندوو ده‌بێت.

هه‌فته‌ى یانزه‌هه‌م، هه‌فته‌ى ده‌یه‌م، هه‌فته‌ى نۆیه‌م، هه‌فته‌ى هه‌شته‌م، هه‌فته‌ى حه‌وته‌م، هه‌فته‌ى شه‌شه‌م، هه‌فته‌ى پێنجه‌م، هه‌فته‌ى چواره‌م، هه‌فته‌ى سێیه‌م، هه‌فته‌ى دووه‌م، هه‌فته‌ى یه‌كه‌م.



وشە - رامیار جەواد


PM:03:13:28/12/2016




ئه‌م بابه‌ته 2024 جار خوێنراوه‌ته‌وه‌‌