ب گورهی بریارا وهزارهتا خواندنا بلند و ڤهكولینێن زانستی، ئهڤرۆ سهرجهم زانكۆ و پهیمانگههێن ههرێما كوردستانێ دێ دهست ب خواندنێ ب شێوازێ ئونلاین كهن، ل پارێزگهها دهۆكێ ژی ههموو بهرههڤی هاتینهكرن و ئهڤرۆ دێ دهست پێ كهن.
ئهڤرۆ شهمبه دووێ ئایار، فهرسهت رهزیكی بهرپرسێ راگههاندنا زانكۆیا نهورۆز ل دهۆكێ بۆ "وشه" گۆت، ل سهر بریارا وهزارهتا خواندنا بلند و ڤهكولینێن زانستی، ئهڤرۆ دێ دهست ب پرۆسا خواندنێ ل زانكۆیا نهورۆز ل دهۆكێ ب شێوازێ ئونلاین هێتهكرن، وهك شێوازێ پالپشت بۆ درێژهدان ب پرۆسا خواندنێ ئهوا كو ژ ئهگهرێ بهلاڤبوونا ڤایرۆسا كۆرۆنایێ هاتییه راگرتن.
وێبسایتێ تایبهت هاتییه دانان
زێدهتر گۆت، پێشتر ههموو بهرههڤی ژلایێ زانكۆیا نهورۆز بۆ ماموستا و قوتابیان هاتینهكرن و وێبسایتێ تایبهت هاتییه دانان و ب رێیا كود قوتابی دشێن ل گهل ماموستایان بخوینن و پێوهندیێ ل گهل ههڤدوو بكهن، زانكۆیا نهورۆز پێكدهێت ژ پێنج كولیژ و 18 پشكنێن زانستی.
ب گورهی ئاخفتنێن رهزیكی، زانكۆیا نهورۆز ههموو هاریكاری بۆ قوتابی و ماموستایان كرینه و گوت ژی، ههر قوتابی و ماموستایهكێ كێشهیهك ههبیت دشێت پهیوهندیێ ب زانكۆیا نهورۆز بكهت، ههر قوتابییهكێ ئاریشهیهك ههبیت ژ روویێ ئینتهرنێت دشێت بابهتێن خوه ل وێبسایتی ببینیت و بخوینت، مهرهم ژ دهست پێ كرنا پرۆسا خواندنێ ب رێیا ئونلاین ئهوه قوتابی بێ بههره نهبیت ژ مافێ خواندنێ"
ل سنوورێ پارێزگهها دهۆكێ نێزیكێ شهش زانكۆ و پهیمانگههان ههنه و سالانه نێزیكێ 20 هزار قوتابی تێدا دخوینن.
دهۆك/ نهوزاد هلۆری