ده‌مه‌كێ كێم به‌ری نوكه باله‌فرێن شه‌ری یێن سوپایێ توركیا، چیایێ لینك ل ده‌ڤه‌را ئامێدیێ بۆردمان كر و د ئه‌نجامدا دوو وه‌لاتیێن ناوچه‌یا دێره‌لووك شه‌هید بوون و ئێك ژی بریندار بوو.
ژێده‌ره‌كێ ل دێره‌لووكێ بۆ "وشه" گۆت، ده‌مه‌كێ كێم به‌ری نوكه باله‌فرێن توركیا چیایێ لینك ل نێزیك ناوچه‌یا دێره‌لووكێ بۆردمان كر.
زێده‌تر گۆت "ژ ئه‌گه‌رێ ئه‌وێ بۆردمانێ، دوو وه‌لاتی هاتنه شه‌هیدكرن و ئێك ژی بریندار بوو، ئه‌وێن هاتینه شه‌هیدكرن باب و كورن، بۆرمان ژی ل نێزیك كومه‌لگه‌ها هێتوت یا سه‌ر ب ناوچه‌داریا دێره‌لووكێ روودایه"
ژێده‌ری دیاركر ژی كو پێشتر چوو جاران ئه‌و ناوچه‌یا ئه‌ڤرۆ هاتییه بۆردمان كرن، نه‌هاتییه بۆردمان كرن و گۆت ژی، "ئه‌وێن هاتینه شه‌هیدكرن خه‌لكێ گه‌ره‌كا سه‌رده‌شت یا سه‌ر ب باژێرێ دێره‌لووكێیه، ناڤێن وان ژی جه‌لال نووره‌دین محێدین، ئه‌حمه‌د جه‌لال نووره‌دین ئه‌و كه‌سێ برینداربووی ژی ناڤێ وی ئه‌یووب ره‌مه‌زان سه‌عید"
ئه‌ڤ ساله باله‌فرێن توركیا پتری 30 جاران سنوورێ پارێزگه‌ها دهۆكێ بۆردمان كرییه، هه‌تا نوكه سێ كه‌س هاتینه شه‌هیدكرن و پتری هه‌شت كه‌س ژی بریندار بووینه.
دهۆك/ نه‌وزاد هلۆری