ئامارێكى ترى كۆرۆنا له كوردستان راگه‌یه‌نرا
وه‌زاره‌تى ته‌ندروستى حكوومه‌تى هه‌رێمى كوردستان ئامارێكى ترى كۆرۆناى راگه‌یاند كه ده‌ركه‌وتووه له سلێمانى 43 تووشبووى تر تۆمار كراوه.
ئه‌مڕۆ هه‌ینى پێنجى حوزه‌یران، وه‌زاره‌تى ته‌ندروستى حكوومه‌تى هه‌رێمى كوردستان راى گه‌یاندووه، لە بەردەوامی پشکنینەکان و گەڕان بەدوای گومانلێکراوان و تووشبووان، 43 تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشان کران.
روونیش كراوه‌ته‌وه كه تووشبووه‌كان 28 پیاو و 13ژن و کچێك و کوڕێکی گەنج، چوار تووشبوو بەرکەتووی تووشبووانی پێشوون و تووشبووانی تر ھەموویان نیشانەی نەخۆشیان هەیە.
تووشبووه‌كان به‌مشێوه‌یه‌ن:
دوو تووشبوو دانیشتووی ناحیەی بازیان.
دوو تووشبوو دانیشتووی ھەڵەبجەی تازە.
یەك تووشبوو دانیشتووی وارماوە.
یەك تووشبوو دانیشتووی ناحیەی چوارتا.
یەك تووشبوو دانیشتووی قەزای سەیدسادق.
سی و شەش دانیشتووی ناو شاری سلێمانی.
وشە -
سه‌رخێڵ هاشم