ب ئامادبوونا پارێزگارێ دهۆكێ، ئهڤرۆ نهخۆشخانا لالاڤ یا تایبهت ب كۆرۆنایێ ل دهۆكێ هاته ڤهكرن، ب كوژمێ ملیونهك و 500 ملیون دیناران ژلایێ خێرخوازهكێ ل دهڤهرا فهیدیێ هاتیه چێكرن.
ئیسماعیل سلێمان، سهرۆكێ باژێرڤانیا فهیدیێ بۆ "وشه" گۆت، پشتی پتری 45 رۆژێن كاركرنێ، ئهڤرۆ نهخۆشخانا لالاڤ یا تایبهت ب چارهسهركرنا تووشبوویێن كۆرۆنایێ ل دهڤهرا فهیدیێ ب ئامادهبوونا پارێزگارێ دهۆكێ و هژمارهكا دام و دهزگههێن حوكمهتی هاته ڤهكرن.
زێدهتر گۆت "نهخۆشخانه 100 تهختی یه و ب شێوه و ستاندارهكێ جیهانی و مودێرن هاتیه چێكرن، زێدهباری چێكرنا نهخۆشخانێ ههڤدهم ستاف و ههموو پێدڤیێن نوژداری ژی هاتینه دابینكرن، نهخۆشخانه ب كوژمێ ملیونهك و 500 هزار دولاران ژلایێ خێرخوازهكێ بناڤێ حهجی چولی هاتیه چێكرن"
ناڤبری دیاركر ژی كو سهرۆكاتییا باژێرڤانییا فهیدیێ پارچهكا عهردی ب رووبهرهكێ مهزن بۆ نهخۆشخانێ دابین كریه و زێدهتر گۆت "رۆژانه دناڤبهرا 200 بۆ 300 كهسان وهكو كرێكار و ئهندازیار و سهرپهرشت تێدا كاركریه و ژلایێ رێڤهبهریا ئاڤهدانكرنێ و رێڤهبهریا ساخلهمیا دهۆكێ دهاته سهرپهرشتیكرن و كومپانیا كێسته ب ئهركێ بجهكرنێ رابویه، سوپاس بو خودێ ددهما خوه دا داوی هات و دێ شێت تا رادهیهكێ باش خزمهتا تووشبوویێن نهخۆشیا كۆرۆنایێ كهت، ئهم هیڤدارین ژ خهلكێ خوه، خوهبپارێزن داكو پێدڤی ب نهخۆشخانێ نهبن، ژبهركو ههكه كۆرۆنا نهما نهخۆشخانه دێ بیته نهخۆشخانهكا نورمال و چارهسهریا نهخۆشێن ههمهجور كهت"
نهخۆشخانه سهر جاددا گشتی ب دوراتیا 25كم ل باشوورێ باژێرێ دهۆكێ و ل دهڤهرا فهیدیێ دناڤبهرا دهۆك و موسل هاتیه چێكرن.