پشتى كو جڤاتا سهركرداتیا پارتى دیموكراتى كوردستان، دكتور عهلى تهتهر، وهكو بهربژار بۆ پوستێ پارێزگارێ دهۆكێ دهستنیشانكرى، بریاره سوبههى د رونشتنهكێ دا، جڤاتا پارێزگهها دهۆكێ دهستبكابوونا پارێزگارێ نوو پهسهند بكهت.
ئهڤرۆ چوارشهمبى، 24ێ خزیرانێ، هوشار فهریق گولى، سهرۆكێ فراكسوونا پارتى دیموكراتى كوردستان ل جڤاتا پارێزگهها دهۆكێ بۆ "وشه" گۆت، جڤاتا سهركرداتیا پارتى دیموكراتى كوردستان دكتور عهلى تهتهر، بهرپرسێ لقێ ههشت یێ پارتى ل زاخۆ، وهكو پارێزگارێ دهۆكێ راسپارد كو ببیته پارێزگارێ دهۆكێ"
زێدهتر گۆت " فراكسوونا پارتى دیموكراتى كوردستان وهكو فراكسوونا زورینه ل جڤاتا پارێزگهها دهۆكێ، ب نڤیسارا فهرمى جڤاتا پارێزگهها دهۆكێ و هەموو فراکسوون ئاگههداركریه كو سوبەهی دەمژمێر 11:00ێ سپێدێ بەرهەڤبن، دهست ب پێرابوونێن قانونى بهێنهكرن بۆ دهستكاربوونا عهلى تهتهر وهكو پارێزگارێ دهۆكێ.
ناڤبرى دیاركر ژى كو دکومبوونا جڤاتا پارێزگهها دهۆكێ دا، عهلى تهتهر دێ وهكو پارێزگارێ نوویێ دهۆكێ دهستبكاربیت و فەرهاد ئەتروشی ژی دێ دەست ژ پوستێ پارێزگارێ دهۆکێ بەردەت.
ل سالا 2014 ههتا نوكه فهرهاد ئهترۆشى پارێزگارێ دهۆكێ یه، ژبلى گوهرینا پارێزگارێ دهۆكێ، ههڤدهم وهسا بریاره كو چهند پوستهكێن دن ژى یێن بلند ل دهۆكێ بهێنه گوهرین مینا قایمقام و رێڤهبهرێن گشتى، دوهى ههر ئێك ژ رێڤهبهرێ گشتیێ پۆیسێن پارێزگهها دهۆكێ و رێڤهبهرێ گشتیێ هاتن و چوونا پارێزگهها دهۆكێ ژى هاتنه گوهرین.
عهلى تهتهر، ل سالا 1968 ژ دایكبوویه و ژ هوزا نێروه یا سهر ب دهڤهرا شێلادزێ، ههلگرێ باوهرناما دكتورایێ یه د وارێ دیرۆكێ دا، ل سالا 2010 ههتا نوكه ئهندامێ جڤاتا سهركرداتیا پارتى دیموكراتى كوردستانه، چهند سالهكا بهرپرسێ لقێ 10ێ پارتى بوو ل سوران، پاشان ل سالا 2017ێ بۆ بهرپرساتیا لقێ ههشت یێ پارتى ل زاخۆ دهێته ڤهگوهاستن و ههتا نوكه بهردهوامه، خودانێ چهندین پهرتووكێن چاپكریه و چهندین سالا پێشمهرگاتى كریه ب تایبهتى ل ناوچهیێن چیا.
فهرهاد ئهترۆشى، ل سالا 1976 ژ دایكبویه و ههلگرێ باوهرناما دكتورایێ یه د پهیوهندیێن نیڤدهولهتى دا، بهرى ببیته پارێزگارێ دهۆكێ، ئهندامێ پهرلهمانێ عیراقێ بو، ل سالا 2014ێ دبیته پارێزگارێ دهۆكێ و ئهڤه حهفت ساله پارێزگاره.