ههر چهنده كۆرۆنا بویه ژێوار و ل ههموو جیهانێ بهلاڤبویه و هژمارهكا زۆر یا قوربانیان ههیه، بهلێ وهكو پێدڤى پهرتووك و ڤهكولین ل سهر كۆرۆنایێ ژلایێ نڤیسهر و ناڤهندێن زانكۆ و پهروهردهى و سهنتهرێن ناڤهندێن ڤهكولینان ژى ل نههاتینهكرن، ل دهۆكێ چوار پهرتووك ل سهر كۆرۆنایێ هاتنه چاپ و بهلاڤكرن
ئهیاد زێبارى، ماموستایێ زانكۆیێ ل دهۆكێ دیاركر كو پێدڤى یه ل ناڤهندێن زانكۆ و پهیمانگهه و خواندنا پهروهردهى ڤهكولینێن تایبهت ل سهر كۆرۆنایێ بهێنهكرن و گوت "د نوكه دا ڤایرۆسا كۆرۆنا ل جیهانێ بویه ژێوار و رۆژ بۆ رۆژێ زێدهتر بهلاڤ دبیت، ههر چهنده ل ناڤهندێن زانكۆ و پهیمانگههـ و ناڤهندێن ڤهكولینێن زانستى و پهروهردهى، ڤهكولینێن تایبهت دهێنهكرن، بهلێ پێدڤى نینه).
ل كوردستانێ وهكو پێدڤى پهرتووك و ڤهكولین ل سهر كۆرۆنایێ نههاتینه چێكرن
زێدهتر گۆت: (ژینگهها كوردستانێ ژینگهههكا جودایه و رهنگه كارتێكرن و چارهسهریێن كۆرۆنایێ ژى جوداهیا خوه ههبیت، ل كوردستانێ ل هندهك پشكنێن نوژدارى ڤهكولین هاتینهكرن، بهلێ دڤێت زێدهتر گرنگى بهێتهدان ژبهركو ل كوردستانێ ڤهكولین زێدهتر وهكو پێزانین بویه بۆ كهرتێ ساخلهمیێ و نوژدار و ستافێ ساخلهمیێ زێدهتر مفاى لێوهردگرن، دڤێت داتایێن ڤهكولینان بكهڤنه دهست وهلاتیان داكو بزانن ب چ ئاوایهك خوه بپارێزن).
ئیسماعیل تاهیر، رێڤهبهرێ پهرتووكخانا بهدرخانیان ل دهۆكێ بۆ "وشه" گۆت، ژ كوما نێزیكێ 730 پهرتووكێن ئهڤ ساله هاتینه چاپ و بهلاڤكرن، چوار ژ وان گرێداى كۆرۆنایێ نه.
زێدهتر گۆت "كۆرۆنا نهخۆشییهكا نوێ یه و سهربورا ئێكێ یه و دێ بیته دیروك ل جیهانێ، د فهرهانگا ههر ئێك ژ تاكێن جڤاكى، كۆرۆنایێ ڤهگێرانێن گرنگ ههنه، نڤیسهر ژى ئێكه ژ وان تهخان كو ددهما كهرهنتینا مال، دهمهكێ زێدهتر كهفته بهردهست لهوا هندهك ژ وان ڤهگێرانێن خوه یێن رۆژانه كرنه پهرتووك و بهلاڤكرن"
ئهیاد زێبارى، ماموستایێ زانكۆیێ د درێژاهیا ئاخفتنێن خودا دیاركر ژى كو رولێ راگههاندنێ د هوشیاركرنا وهلاتیان و دوڤچوون ل سهر ئهنجام و كارتێكرن و چارهسهریێن كۆرۆنایێ رولهكێ كارتێكهره و پتره ژ ناڤهندێن تایبهتمهند ب ڤهكولین و هوشیاركرنا وهلاتیان و زێدهتر گۆت "ل ههرێما كوردستانێ ناڤهندێن ڤهكولینێ و ئامیر و شیان ژى ههنه، بهلێ رهنگه ژ روویێ ماددى كێشه ههبن،بهلێ نابیت ئهم چاڤهرێ وهلاتێن جیهانى بین ههتاكو ئهو ڤهكولینان دكهن و ئهنجامان رون دكهن، دڤێت كونفرانس و كوربهندێن زانستى و ئهكادیمى بهێنهكرن داكو ب كێمترین زیان ئهڤ یهك ل سهر كوردستانێ ببوریت).