روكهن فهرهاد سترانبێژ و ستێرا زاروكان ل كوردستان و پارێزگهها دهۆكێ، كو دژیێ چوار بۆ پێنج سالیێ دهست ب گوتنا سترانان كرییه، پشتی بهلاڤكرنا 21 كلیپا، نوكه ژ چێكرنا بهرههمان راوستا ژبهركو مهزن بوویه و گههشته قوناغا گوهرینا دهنگی.
ههموو كلیپێن من بۆ زارۆكان هاتینه گوتن
روكهنێ بو "وشه" گوت، ئهڤه د ژیێ چوار بۆ پێنج سالیێدا، من دهست ب گوتنا سترانان كرییه و ههتا نوكه یا بهردهوامم و دڤی ماوهی دا 21 كلیپ بهلاڤكرنه.
زیدهتر گوت "ههموو كلیپێن من بۆ زارۆكان هاتینه گوتن، ئهڤه ژبلی وێ یهكێ كو من پشكداری د سترانێن نهتهوهی ژی دا كرییه ل گهل هونهمهندێن بناڤودهنگ مینا نازدار جزیری"
ستێرا زارۆكا دیاركر ژی كو ئهو نوكه خوه بهرههڤ دكهت بۆ قوناغهكا دی یا هونهری و سترانان، كو ئهو ژی سترانێن فولكلورییه و گوت ژی، "د نوكهدا من چوو كلیپ و بهرههم نینه و ئهز راوستامه، ژبهركو ژیێ من نوكه 13 ساله و بهر ب ژیێ پێگههشتنێ و گوهرینا دهنگی دچم، ههتا ژیێ 16 سالیێ ئهز چوو كلیپ و بهرههمان بهلاڤ ناكم، پشتی ئهڤی ژیهیی جارهكا دی، ب ستایلهك و دهنگهكێ دی، دێ كارێن خوه بهردهوام كهم"
د بوریدا زور كلیپ بۆ زارۆكان هاتینه چێكرن، داوی كلیپ ژی، كلیپا هونهرمهندا كچ دینایێ بوو بناڤێ داده داده، كو نێزیكێ چوار ملیون بینهران ههبوو، ب گورهی ئاخفتنێن دینایێ كلیپا وێ زورترین بینهر د دیروكا ستران و بهرههمێن كوردی یین بۆ زارۆكان هاتینه چێكرن ههبوویه، بهلێ روكهن رهدا ئاخفتنا وێ دكهت و دبێژیت، "كلیپا من یا بناڤێ وهر وهر جانێ، نێزیكێ 29 ملیون بینهران ههنه، ئانكو حهفت جاران پتر ژ كلیپا دینایێ بینهر ههنه، نوكه من و هونهرمهند جهمال وهرمێلی دوتییهك بۆ زاروكان ههیه و ل نێزیك دێ بهلاڤ بیت، ئهو دبیته دوماهی كارێ من ههتا ژیێ 16 سالیێ"
ژبلی كلیپا وهر وهر جانێ، ئێك ژ بناڤودهنگترین كلیپین رووكهنێ، كلیپا قد قدا مریشكێ بوویه، ژبلی كلیپان، ههڤدهم خودانا چهندان ئاههنگ و كونسێرتێن هونهرییه.