ب مهرهما زیدهتر خزمهتكرنا باژێرێ دهۆكێ و جوانكرنا سهر وسیمایێ شارستانی، پارێزگارێ دهۆكێ چێكرنا چوار تاوهرێن نوو ل دهۆكێ پهسهندكر.
ئهڤرۆ ل ژێرچاڤدێریا د.عهلی تهتهر، پارێزگارێ دهۆكێ كۆمبوونا لژنا تاوهران ل پارێزگهها دهۆكێ ب رێڤهچو كو تایبهت بوو ب پێداچون ل سهر چێكرنا شهش تاوهران ل دهۆكێ.
دكۆمبوونێ دا ههلسهنگاندنا پرۆژێن تاوهران یێن پێش وهخت هاتینه پهسهندكرن و وهرگرتنا مۆلهتان و چهوانیا قوناغێن جێبهجێكرنێ و ئهرد و دهوروبهرێن ئهردێ تاوهران ب تێر و تهسهلی هاتنه بهحسكرن.
پاشان ئهو پرۆژێن هاتینه پێشكێشكرن بو لژنا تاوهران دان و ستاندن ل دۆر هاتهكرن و ژ كۆما شهش پرۆژێن هاتینه پێشكێشكرن چوار پرۆژێن تاوهران هاتنه پهسهندكرن و دوو ژی هاتنه پاشئێخستن بو دووباره پێداچوون و ههلسهنگاندنێ.
ل سنوورێ پارێزگهها كومهكا پروژێن پێشهسازی و بازگانی ونیشتهجبێوونێ دهێنه چێكرن، دنوكه دا دوو ژ بلندترین تاوهران ل كوردستانێ ل دهۆكێ دهێنه چێكرن كو بلنداهیا وان 41 نهوم و 45 نهومن، ئهوه 41 نهومی ژ قوناغا ههیكهلی دوماهی هاتیه.