سیرین عەبدولنوور كە ئەكتەر و گۆرانیبێژێكی لبنانییە، رۆڵی سەرەكیی لە درامایەكدا دەبینێ كە بڕیارە بەمزووانە بكەوێتە بەرچاوی بینەرەكانی، ئێستە ئەو ئەكتەرە خەریكی راهێنانە لەسەر یاریی بۆكسینگ كە رۆڵەكەی ئەوە دەخوازێ.
پێگەی "
ئیلاف" كە ئەمڕۆ پێنجشەم 17ی حوزەیران هەواڵەكەی بڵاو كردووەتەوە، ئاماژە بەوە داوە كە سیرین ئێستە لەگەڵ راهێنەرەكەی خەریكی راهێنانی بۆكسینگە، ئەویش بۆ درامای "دور العمر"ـە و سیرین تێیدا رۆڵی سەرەكی دەبینێت.
ناسر فەقیە كە نووسەرێكی لبنانییە و لەڕێ تویتەرەوە گرتەیەكی دراماەی بڵاو كردووەتەوە، لەو گرتەیەدا خۆی راهێنانی بۆكسینگ بە سیرین دەكات.
فەقیە نووسیویەتی "چاوەكانم ئاویان كرد تا سیرین هاتە ناو "حەلەبە" و ئامادەی راهێنانی بۆكسینگ بوو".
دراماكە لە 10 حەڵقە پێكهاتووە
دراماكە لە 10 حەڵقە پێكهاتووە و ناسر فەقیە نووسەرەكەیەتی، لە دەرهێنانی سەعید مارووق، بەرانبەر بە سیرین عەبدولنوور، هونەرمەند عادل كەرەم رۆڵی سەرەكی دەبینێ، جیا لە چەندان ئەكتەری ناوداری میسر و لبنان.
سیرین عەبدولنوور لە ساڵی 1977 لە لبنان لە دایك بووە، لە سەرەتادا وەك نمایشكاری جلوبەرگ ناسرایەوە، دواتر خۆی لە بواری نواندن و گۆرانیدا بینییەوە كە لە ساڵی 2004دا ئەلبوومەكەی بەناوی "لیلە من اللیالی" بڵاو كردەوە و وەك گۆرانیبێژ ناسرا. هاوكات لە چەندان فیلمی سینەمایی و درامای تەلەڤزیۆنیدا رۆڵی بینیوە.