بەڕێوەبەرایەتی گشتی كەشناسی و بوومەلەرزەزانی هەرێمی كوردستانپ ێشبینی خۆی بۆ 48 سەعاتی داهاتوو بڵاو كردەوە و هەولێر و دهۆك زۆرترین باران بارین دەیانگرێتەوە.
ئەمڕۆ هەینی 25ـی تشرینی دووەم، لە راگەیەنراوێكی بەڕێوەبەرایەتی گشتی كەشناسی و بوومەلەرزەزانی هەرێمی كوردستان هاتووە، ئەمڕۆ ئاسمان هەوری باراناوی دەبێت بە درێژایی كاتەكان لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و دەریای سوور شەپۆڵێكی باران بارینی چڕ سەرتاپای ناوچە جیاجیاكان دەگرێتەوە .
باس لەوەش كراوە، سەنتەری پارێزگاكان و زۆربەی ناوچەكانی تر بارانبارینی بە لێزمە و هەورە تریشقەی دەبێت هەندێ جار لە كاتی باران باریندا بەرزبوونەوەی ئاستی ئاو دەبێت لە سەر لووتكەی شاخە بەرزەكان بەفر دەبارێت و پلەكانی گەرما روو لە نزم بوونەوە دەكات.
لەبارەی سبەی كەشناسی دەڵێت، ئاسمان بە گشتی هەوری تەواو دەبێت هەورە تریشقە و بارانبارینی مامناوەند و لێزمە بارانی پچڕ پچڕ دەبارێت لە ناوچە جیاجیاكان لە سنووری پارێزگای دهۆك و باكووری ڕۆژهەڵاتی هەولێر و ناوچە شاخاوییەكان زۆرترین ڕێژەی باران بارین دەبێت.
بۆ سبەی لە ناوچە شاخاوییەكان لەسەر لوتكەی شاخە بەرزەكان بەفر بارین دەبێت و پلەكانی گەرما بە نزمی دەمێنێتەوە وە پێشبینی دەكرێت لە كاتی بەیانی زوودا پلەكانی گەرما زیاتر دابەزین بەخۆیەوە ببینی بە نزیكەی ( 2 تــا 3 ) پلە بە بەراورد بە ڕۆژانی پێشتر .
بەرزترین پلەكانی گەرمای پێشبینیكراو بە پلەی سیلیزی بۆ سبەی بەم شێوەیە دەبێت :
هەولێر : 17 پلەی سیلیزی
سلێمانی : 18 پلەی سیلیزی
دهۆك : 12 پلەی سیلیزی
كەركوك : 19 پلەی سیلیزی
هەڵەبجە : 17 پلەی سیلیزی
زاخۆ : 12 پلەی سیلیزی
سۆران : 13 پلەی سیلیزی
گەرمیان : 20 پلەی سیلیزی