سەرچاوەكانی میدیا بڵاویان كردووەتە كە بەهۆی رەشەبایەكی بەهێز لە باشووری عێراق، بووەتە هۆی رووخانی قوتابخانەیەك، بەڵام رووداوەكە زیانی مرۆیی نەبووە.
پێگەی "
شەفەق نیوز" ئەمڕۆ سێشەم نۆی نیسان بڵاوی كردووەتەوە، شایەتحاڵەكان بە پێگەكەیان راگەیاندووە كە شەوی رابردوو رەشەبایەكی زۆر بەهێز لە شارۆچكەی "قەلعە سوكەر"ی باكوری شاری ناسریەی ناوەندی پارێزگای زیقار، بووە هۆی رووخانی قوتابخانەیەك.
زیاتر دەڵێن، قوتابخانەی "مراد"ی تیكەڵاو كە بە كەرەفانە دروست كراوە، دەكەوێتە سنووری كێڵگەی غرافی نەوتی، لەبەرئەوەی رەشەباكە زۆر بەهێز بووە، تەواوی قوتابخانەكەی هەڵوەشاندووەتەوە و رووخاوە.
دواتر گوتوویانە زیانی رووداوەكە تەنیا مادی و رووخانی قوتابخانە بووە و زیانی مرۆیی نەبووە.