ژنێكی بهریتانی له ڕووداوێكدا دهستی به دهرگاوه گیر بوو و پارچهی پهنجهیهكی لێ بووهوه، له ناكاو سهگهكهی لێی نزیك بووهوه و پارچهی پهنجهكهی خوارد.
به پێی ئهو ههواڵهی ماڵپهڕی لبنان24 بڵاوی كردووهتهوه، ژنێكی بهریتانی به ناوی كایلی كای كه مامۆستای دانس بووه له یهكێك له قوتابخانهكانی بهریتانیا، تووشی ڕووداوێك بووه و به ههڵه دهرگایهكی داخستووه، ئهمهش بووهته هۆی لهدهستدانی بهشێكی پهنجهی، دواتریش سهگهكهی قووتی داوه.
دوای ئهو ڕووداوه، مامۆستاكه به پهله سهردانی نهخۆشخانهیهكی ناوچهی ساسكسی بهریتانیای كردووه، تا نهشتهرگهری بۆ برینهكهی بكهن و پهنجهی چاره بكهن.
بێگومان بهو حاڵهشهوه نهیتوانیوه بڕواته قوتابخانه و وانه بڵێتهوه، بۆیه له ڕێی ههژمارهكهی خۆیهوه له تۆڕی كۆمهڵایهتی فهیسبووك قوتابییهكانی ئاگادار كردووهتهوه، كه دهستی تووشی ئهو ڕووداوه بووه و ناتوانێت بڕواتهوه قوتابخانه، لهگهڵ پۆستهكهدا چهند وێنهیهكی پهنجه و دهستیشی داناوه.