خولی 14ی گه‌له‌ری دهۆك بۆ 119 هونه‌رمه‌ندی شێوه‌كار كرایه‌وه‌

:: PM:01:56:09/01/2019 ‌

به‌ هاوكاری به‌رێوه‌به‌رایه‌تی گشتی رۆشنبیری و هونه‌ری دهۆك و به‌ڕێوه‌به‌رایه‌تی هونه‌ری شێوه‌كاری، خولی 14ی گه‌له‌ری دهۆك بۆ 119 هونه‌رمه‌ندی شێوه‌كار كرایه‌وه‌.

ئه‌مڕۆ چوارشه‌م نۆی كانوونی دووه‌م،  سه‌عات 11ی به‌یانی گه‌له‌ری دهۆك به‌ هاوكاری به‌ڕێوه‌به‌رایه‌تی گشتی ڕۆشنبیری و هونه‌ری دهۆك و به‌ڕێوه‌به‌رایه‌تی هونه‌ری شێوه‌كاری دهۆك، خولی 14ی گه‌له‌رییه‌كه‌ی كرده‌وه‌.

ئاواز نهێلی به‌رپرسی ڕاگه‌یاندنی به‌ڕێوه‌به‌رایه‌تی گشتی  ڕۆشنبیری و هونه‌ری دهۆك به‌ "وشه‌"ی راگه‌یاند: له‌ خوله‌كه‌دا 119 هونه‌رمه‌ندی شێوه‌كاریی به‌شدار بوون و كار و چالاكی خۆیان نمایش كرد، بێجگه‌ له‌ نمایشكردنی كار و به‌رهه‌می شێوه‌كاری، هاوكات شێوه‌كارانی به‌شدار تابلۆ و به‌رهه‌مه‌كانیان تێدا فرۆشت.

خوله‌كه‌ له‌ژێر دروشمی "بۆ كوردستانێكی ئازاد" ده‌ستی پێ كرد و تا دوو ڕوژ به‌رده‌وام ده‌بێت، ڕۆژانه‌ له‌ سه‌عات 10:00ی به‌یانی تا 4:00ی ئێواره‌ كراوه‌ ده‌بێت، دوای ته‌واوبوونی واده‌ی خوله‌كه‌، به‌شدارانی گه‌له‌ری دهۆك ده‌توانن كار و به‌رهه‌مه‌كانیان بو ماوه‌ی شه‌ش مانگ له‌وێ بفرۆشن.

دهۆك/ نه‌وزاد هلۆری
























وشە - ڕێناس شابان

ئه‌م بابه‌ته 292 جار خوێنراوه‌ته‌وه‌‌