سەرۆكی هەرێمی كوردستان پەیامێك بڵاو دەكاتەوە و سوپاسی كارمەندانی تەندروستی و پێشمەرگە و كارمەندانی دەروازە سنوورییەكان دەكات و دەڵێت، شانازیتان پێوە دەكەم.
سوپاسی هاووڵاتییان و دانیشتووانی هەرێمی كوردستان دەكەم بۆ مانەوەیان لە ماڵەوە و پابەندبوونیان بە ڕێنوێنییەكان
ئەمڕۆ دووشەم شەشی نیسان، نێچیرڤان بارزانی سەرۆكی هەرێمی كوردستان لە پەیامێكدا ڕای گەیاند، سوپاسێكی تایبەت بۆ كارمەندانی تەندروستی، پێشمەرگە، كارمەندانی فڕۆكەخانە و دەروازە سنوورییەكان، دەزگا تەناهییەكان و ڕاگەیاندن و گشت ئەو قارەمانانەی كە كۆڵ نادەن بۆ پاراستنی كوردستان لە ڤایرۆسی كۆرۆنا.
لە پەیامەکەی سەرۆكی هەرێمی كوردستاندا هاتووە، سوپاسی هاووڵاتییان و دانیشتووانی هەرێمی كوردستان دەكەم بۆ مانەوەیان لە ماڵەوە و پابەندبوونیان بە ڕێنوێنییەكان.
ئەو پەیامەی سەرۆكی هەرێمی وردستان لە كاتێكداە ئێستە كارمەندانی تەندروستی و هێزەكانی پۆلیس و ئاسایش و پێشمەرگە بەردەوام لە ئەركن بۆ ئەوەی ڕێنوێنییەكان وەك خۆی بچێتە بواری جێبەجێكردن و هاووڵاتییانی هەرێمی كوردستان پارێزراو بن.