پەرلەمانتاران له‌سه‌ر دەستبەرداربوونی مووچەی خانەنشینی ئاگادار ده‌كرێنه‌وه‌

:: AM:09:29:22/05/2020 ‌
به‌ شێوه‌یه‌كى فه‌رمى سه‌رۆكى دیوانى په‌رله‌مان ناونووسینی پەرلەمانتارانى بۆ دەستبەرداربوونی ئارەزوومەندانە لە مووچەی خانەنشینی دەست پێكرد.

ئەوانەی کە ئامادەن دەستبەرداری مووچەی خانەنشینیان ببن ناوی خۆیان تۆمار بکەن
به‌پێى ئه‌و نووسراوه‌ى وێنه‌یه‌كى ده‌ست "وشه‌" كه‌وتووه‌ تێدا هاتووه‌، نوسینگەی سەرۆکی دیوانی پەرلەمانی کوردستان بە نووسراوی فەرمی داوا لە سەرجەم پەرلەمانتارانی کوردستان دەکات ئەوانەی کە ئامادەن ئارەزوومەندانە دەستبەرداری مووچەی خانەنشینیان ببن ناوی خۆیان تۆمار بکەن.

نووسراوەکە بە ژمارە 958/4/4 لە ڕۆژى پێنجشه‌م 21ى ئایار، بە واژۆی سەرۆکی دیوانی پەرلەمانی کوردستان ئاراستەی سەرجەم پەرلەمانتارانی کوردستان کراوە. 

له‌ نووسراوه‌كه‌ ئاماژە دراوە کە ئەو پەرلەمانتارانەی دەیانەوێت ئارەزوومەندانە دەستبەرداری مووچەی خانەنشینی بن لە مێژووى یه‌كى ته‌مووزى داهاتووه‌وه‌ تاکو 30 ڕۆژى دواتر سەردانی دیوانی سەرۆکایەتی پەرلەمان بکەن بەمەبەستی ناونووسینیان.




وشە - محەمەد میران

ئه‌م بابه‌ته 101 جار خوێنراوه‌ته‌وه‌‌