چهند رۆژه ل تورێن جڤاكى بهحس ل گوهرینا پارێزگارێ دهۆكێ دهێته بهلاڤكرن، بهلێ ئهندامهكێ جڤاتا پارێزگهها دهۆكێ ددهت دیاركرن كو ههتا نوكه چوو بریار بۆ گوهرینا پارێزگارێ دهۆكێ و دهستنیشانكرنا كهسهكێ دن نینه.
ئیدریس ههركى، ئهندامێ جڤاتا پارێزگهها دهۆكێ ژ پشكا پارتى بۆ "وشه" گۆت، ههتا نوكه چوو بریار بۆ گوهرینا پارێزگارێ دهۆكێ و دهستنیشانكرنا كهسهكێ دن نینه.
زێدهتر گۆت "گوهرینا پارێزگارێ دهۆكێ و دهستنیشانكرنا كهسهكێ دن، بریارێن یاسایی و كارگێرى نه و چوو پهیوهندى ب رهوشا دارایى و ئابوورى و مووچه و كۆرۆنایێ ڤه نینه، ههردهما بریار هاتهدان كو بهێنه گوهرین، دێ بریار گههیته جڤاتا پارێزگهها دهۆكێ، بهلێ ههتا نوكه چوو بریار بۆ گوهرینا پارێزگارێ دهۆكێ نینه، ههردهمێ بریار بهێتهدان بۆ گوهرینا پارێزگارێ دهۆكێ، دێ ل جڤاتا پارێزگهها دهۆكێ دانوستاندن و رونشتن ل سهر هێتهكرن و وى دهمى دێ رایا گشتى ههموو ئاگههدار بیت"
فهرهاد ئهترۆشى، كو نوكه پارێزگارێ دهۆكێ یه، ئهڤه نێزیكێ سێ سالان ل سهر پارێزگاربوونا وى دهربازبوون، پێشتر ژى چهندان جاران ل تورێن جڤاكى و راگههاندنێ بهحس ل گوهرینا پارێزگارێ دهۆكێ و چهند رێڤهبهرێن گشتى و چهندان پلهیێن دن یێن بلند هاتیهكرن، بهلێ ههتا نوكه پارێزگارێ دهۆكێ نههاتیه گوهرین.
ل تورێن جڤاكى چهندان كهسایهتى وهكو پارێزگارێ دهۆكێ یێ نوو هاتینه دیاركرن، مینا بهرژهنگ بابهكر زێبارى، سهربهست لهزگین، عهلى تهتهر، نهجمان دوسكى، بهلێ ههتا نوكه چوو بریارێن فهرمى نینه.