دهمهكێ كێم بهرى نوكه، جڤاتا سهركرداتیا پارتى دیموكراتى كوردستان، دكتور عهلى تهتهر، وهكو بهربژار بۆ پوستێ پارێزگارێ دهۆكێ دهستنیشانكر، سهرۆكێ فراكسوونا پارتى ژى دیاركر كو سوبههى وێڤه دێ دهست ب پێرابوونێن قانونى بۆ دهستكاربوونا پارێزگارێ نوو هێنهكرن.
هوشار گولى، سهرۆكێ فراكسوونا پارتى دیموكراتى كوردستان بۆ "وشه" گۆت، دهمهكێ كێم بهرى نوكه ئهم وهكو جڤاتا پارێزگهها دهۆكێ هاتینه ئاگههداركرن كو پارێزگارێ دهۆكێ بهێته گوهرین.
زێدهتر گۆت "جڤاتا سهركرداتیا پارتى دیموكراتى كوردستان دكتور عهلى تهتهر، بهرپرسێ لقێ ههشت یێ پارتى ل زاخۆ، وهكو پارێزگارێ دهۆكێ راسپارد كو ببیته پارێزگارێ دهۆكێ".
ناڤبرى دیاركر ژى كو سوبههى وێڤه وهكو فراكسوونا زورینه ل جڤاتا پارێزگهها دهۆكێ، دێ ب نڤیسارا فهرمى دێ بو جڤاتا پارێزگهها دهۆكێ بلند كهین كو دهست ب پێرابوونێن قانونى بهێنهكرن بۆ دهستكاربوونا عهلى تهتهر وهكو پارێزگارێ دهۆكێ و گۆت ژى "پشتى پێرابوونێن قانونى، جڤاتا پارێزگهها دهۆكێ ب ئامادهبوونا وهزیرى َنافخوه و پارێزگارێ دهۆكێ، دێ ئالوگورا پارێزگارێ دهۆكێ هێتهكرن"
ئهڤه نێزیكێ ههشت سالایه فهرهاد ئهترۆشى پارێزگارێ دهۆكێ، وهكو پارێزگار د پوستێ خوه بهردهوامه، پێشتر ژى چهندین جاران بزاڤا گوهرینا ئهترۆشى هاتینهكرن، بهلێ ژبهر تێكچونا رهوشا دارایى و قهیرانێن دارایى دهاته پاشئێخستن.
دهۆك - نهوزاد هلۆرى