ئەندازیارەکێ کومپانیا جێ بەجێ کار یا پروژێ جوتسایدێ روڤیا بۆ گوپال دیارکر کو ئەوان دەست ب قێركرنا قاتێ سیێیێ و قوناغا دوماهیێ یا رێیا ناڤبری کر، پشتی دوو هەیڤێن بهێت دێ هێتە ڤەکرن.
د ماوێ دوو هەیڤان دا ب ئێكجاری كارێ قێركرنا قاتێ سیێ ب دووماهی بهێت
یٔاراس جەمال، ئەندازیار و سەرپەرشتیارێ رێیا روڤیا بۆ گۆپال ژ كۆمپانیا كاڤین گرۆپ بۆ "وشە" گوت، مە دەست ب قێركرنا قاتێ سیێ و قوناغا دوماهیێ یا جوتسایدێ روڤیا بۆ گۆپال كر و بڕیارە د ماوێ دوو هەیڤان دا ب ئێكجاری كارێ قێركرنا قاتێ سیێ ب دووماهی بهێت و كەمپا خوە یا كاركرنێ ژ روڤیا ڤەكێشین، ژ بەركو ب یٔێكجاری دێ كار ب دووماهی هێت.
زێدەتر گوت" 85 هزار تەنێن قێرێ دێ ل قاتێ سیێ هێنە بكاریٔینان، هەتا نوکە د قوناغا دوماهیێ دا پێنج هزار تەن هاتینە بكاریٔینان و كار یێ بەردەوامە و بڕیارە بەری 1/11/2020 ب تەمامی كار ب دووماهی بهێت"
پرۆژێ رێیا جوتسایدكرنا رێیا روڤیا بۆ گۆپال ب رێیەكا ستراتیژی یا د ناڤبەرا دهۆك بۆ هەولێر دهێتەدانان ل 25 ئیلونا 2018ێ بەرێ بنیاتی بۆ هاتبوودانان، درێژاهیا وێ 22 كم رێیێ بوون ل گەل 16 كم رێیا شوونگر و ل دووماهیا سالا 2019 ب قێركرنا دوو قاتێن قێری ل هەمبەر شوفێران هاتبوو ڤەكرن، کوژمێ 84 ملیون دولار ژلایێ حوکمەتا هەرێما کوردستانێ بۆ هاتینە تەرخانکرن.
دهۆک، نەوزاد هلۆری: