"وشە" دەقی پڕۆژەی چاكسازی لە مووچەی خانەنشینی بڵاو دەكاتەوە

:: PM:02:34:21/02/2018 ‌
دانیشتنی پەرلەمانی كوردستان كە تایبەتە بە گفتوگۆكردن لەسەر پڕۆژەی چاكسازیی هەرێمی كوردستان، بە ئامادەبوونی سەرۆكی دەستەی دەستپاكی هەرێمی كوردستان دەستی پێ كرد، "وشە" دەقی ئەو پڕۆژە چاكسازییە بڵاو دەكاتەوە كە بە هاوئاهەنگی حكوومەت و پەرلەمان دانراوە.

ئەمڕۆ چوارشەم 21ی شوبات، كۆبوونەوەی پەرلەمانی كوردستان دەستی پێ كرد و ئاواز حەمید ئەندامی پەرلەمانی كوردستان بە "وشە"ی ڕاگەیاند، لە كۆبوونەوەكەدا گفتوگۆ لەسەر پڕۆژەی چاكسازیی مووچەی خانەنشینی دەكات كە لەلایەن شەش لیژنەی پەرلەمانی كوردستانەوە پێشتر ئامادە كراوە.

"لە پڕۆژە چاكسازییەكەدا ئەو پارەی لە خانەنشینان و نایاسایییەكان دێتە بڕین، ئەوە بۆ پاشەكەوتی مووچە خەرج دەكرێتەوە و لە ساڵی 2018 ەوە پڕۆژەكە جێبەجێ‌ دەكرێت". پەرلەمانتارەكەی كوردستان ئەو زانیارییانەی ڕاگەیاند.

هاوكات موشیر رەشید بەڕێوەبەری گشتیی یاسایی لە دەستەی دەستپاكی هەرێمی كوردستان بە "وشە"ی ڕاگەیاند، دەستەی دەستپاكی ماوەی چەند ساڵێكە كار لەسەر خانەنشینی نایاسایی دەكات و لەو پڕۆژەیەشدا هاوئاهەنگی كردووە بۆ ئەوەی پڕۆژەیەكی گونجاو دەربچێت.

بەپێی زانیارییەكانی "وشە"ی لە دانیشتنی ئەمڕۆی پەرلەمانی كوردستاندا سەرۆكی دەستەی دەستپاكی هەرێمی كوردستان ئامادە دەبێت و سەرنجەكانی خۆی لەسەر پڕۆژەكە و چۆنیەتیی جێبەجێكردنی دەخاتەڕوو.

 





























وشە - سه‌رخێڵ هاشم
زۆرترین خوێنراو‌