وەزیری پێشووی دارایی و ئابووری حكوومەتی هەرێمی كوردستان بایز تاڵەبانی ئەمڕۆ پێنجشەم كۆچی دوایی كرد.
ئەمڕۆ پێنجشەم 21ـی حوزەیران/ یۆنیۆ، بایز سەعید محەمەد تاڵەبانی وەزیری پێشووی حكوومەتی هەرێمی كوردستان كۆچی دوایی كرد.
بایز تاڵەبانی شوێنی لەدایكبوونی ساڵی 1944 كەركووكە و پلەی خوێندن دەرچووی ئامادەیییە و لە ساڵی 1968ەوە وەك فەرمانبەر دامەزراوە، 12 خولی راهێنانی دارایی لە ناوەوە و دەرەوەی وڵات بینیوە، یەكێك بووە لە دامەزرێنەرانی دیوانی چاودێری دارایی و بۆ ماوەی شەش ساڵیش سەرۆكی دیوان بووە، لە ساڵی 2002 بووەتە وەزیری دارایی و ئابووری (ئیدارەی سلێمانی) و لە ساڵی 2006 بووەتە وەزیری هەرێم بۆ كاروباری دارایی و لە ساڵی 2008ەوە بووەتە وەزیری دارایی و ئابووری هەرێمی كوردستان.
لەناو یەكێتیی نیشتمانیی كوردستاندا دوایین پلەی ئەندامی مەكتەبی دارایی و لێپرسراوی دەزگای چاودێری دارایی گشتی بووە.