ئاگرێكی گەورە لە بەنزینخانەیەكی سنووری شارۆكەی زاخۆ كەوتەوە و سەرەڕای ئەوی كە بە خێرایی ئاگرەكە كۆنترۆڵ كراوە، بەڵام قوربانی هەیە و زیانێكی زۆریش بەر بەنزینخانەكە كەوتووە.
شەوی رابردوو ئاگر لە بەنزینخانەی زاخۆ بەربوو و بەهۆیەوە تەواوی بەنزینخانەكە سووتا و دوو كەسیش بە سەختی بریندار بوون.
تا ئێستە هۆكاری ئاگركەوتنەوەكە دیار نییە، بەڵام لە بەرگری شارستانی زاخۆ لیژنەیەك بو بەدواداچوون و خەمڵاندنی زیانەكانی ئەو رووداوە پێكهێنراوە.
ئەو دوو كەسە‌ی بریندار بوون لە كارمەندانی پۆلیسی ئاگركوژێنەوەی زاخۆ بوون بۆ مەبەستی وەرگرتنی چارەسەری رەوانەی نەخۆشخانەی فریاكەوتنی زاخۆ كراون.
وشە/زاخۆ- نەوزاد هلۆری