بەڕێوەبەرایەتی گشتی كەشناسی و بوومەلەرزەزانی هەرێمی كوردستان رای دەگەیەنێت، پێشبینی دەكرێت لە 24 سەعاتی داهاتوودا لە پارێزگاكانی هەولێر و دهۆك باران ببارێت.
ئەمڕۆ چوارشەم یەكی تەمووز، لە راگەیەنراوێكی بەڕێوەبەرایەتی كەشناسی و بوومەلەرزەزانی هەرێمی كوردستان هاتووە، پێشبینی دەكرێت ئەمڕۆ تا 24 سەعاتی داهاتوو ئاسمان لە پارێزگای هەولێر لە نێوان ساماڵ و پەڵەهەور بێت و ئەگەری بارانبارینێكی كەمیش لە ناوچە شاخاوییەكان هەیە.
لەگەڵ بارینی بارانێكی كەم لە ناوچە شاخاوییەكاندا
كەشناسی ڕوونی كردووەتەوە، لە پارێزگای سلێمانی ئاسمان لە نێوان ساماڵ و پەڵەهەوردا دەبێت و لە پارێزگای دهۆكیش ئاسمان نیمچەهەور دەبێت لەگەڵ بارینی بارانێكی كەم لە ناوچە شاخاوییەكاندا.
هەرێمی كوردستان جیاوازییەكی زۆر لە بڕی بارانبارین هەیە، كەمترین ڕێژی 328 ملمە و بەرزترینی دوو هەزار و 630 ملم بووە، لە ساڵێكدا دەتوانین بڵێین بارانی هەرێم تا بەرەو باكور و باكوری ڕۆژهەڵات بڕۆین پتر دەبێت و ساڵانە بەڕێژەی جیاواز بارانیان لێ دەبارێت.