سەڵاح كوێخا سەرپەرشتیاری پێشووی ئیدارەی گەرمیان لە نەخۆشخانەیەكی سلێمانی بەهۆی كۆرۆنا كۆچی دوایی كرد.
ئەمڕۆ سێشەم 29ـی ئەیلوول، قایمقامییەتی كەلار لە راگەیێندراوێكدا بڵاوی كردووەتەوە، دڵگرانین بە كۆچی دوایی پێشمەرگەی دێرین و سەرپەرشتیاری پێشووی ئیدارەی گەرمیان سەڵاح كوێخا، كە لە شاری سلێمانی بە نەخۆشی كۆچی دوایی كرد.
سەڵاح كوێخا ماوەی نزیكەی 10 ساڵە سەرپەرشتیاری ئیدارەی گەرمیان بووە ، رۆژی یەكی ئەیلوولی ئەمساڵ لە رێوڕەسمێكدا خانەنشین كراو پۆستەكەی رادەستی قایمقامی كفری كرد.
رۆژی 14ی ئەم مانگە لە لاپەڕەی خۆی لە فەیسبووك، سەڵاح كوێخا تووشبوونی خۆی بە ڤایرۆسی كۆرۆنا راگەیاند و نوسیبووی منیش وەك هەر هاونیشتمانییەكی دیكەی تووشبووی ئەم هەرێمە، بێبەش نەبووم لە تووشبوون بە پەتای كۆرۆنا.