بهڕێوهبهرایهتیی گشتیی كهشناسی و بوومهلهرزهزانی ههرێمی كوردستان له ڕاگهیهنراوێكدا پێشبینییهكانی خۆی بۆ دۆخی كهشوههوای ئهمڕۆ و سبهی شارهكانی باشووری كوردستان ڕاگهیاند.
له ڕاگهیهنراوهكه هاتووه، ئهمڕۆ دووشهم ئاسمانی كوردستان له ژێر كاریگهری نزمه پاڵهپهستۆی وهرزی گهرمی ساڵانه دهبێ، له ههولێر و سلێمانی ئاسمان ساماڵ دهبێ لهگهڵ ههندێ پهڵه ههوری جیا جیا، لهگهڵ زیادبوونی خێرایی با، له دهۆك و كهركووكیش ئاسمان ساماڵ دهبێ لهگهڵ ههندێ پهڵه ههور و ئهگهری زیادبوونی خێرایی با له ههندێ كات، بهرزترین پلهی گهرما 44 پله و نزمترین پلهش 24 پلهی سیلیزی دهبێ.
ههروهها سبهی سێشهم به ههمان شێوه ئاسمانی كوردستان له ژێر كاریگهری نزمه پاڵهپهستۆی وهرزی گهرمی ساڵانه دهبێ، له ههولێر و سلێمانی و دهۆك و كهركووك ئاسمان ساماڵ دهبێ لهگهڵ ههندێ پهڵه ههوری جیا جیا، بهرزترین پلهی گهرما 44 پله و نزمترین پلهیش 25 پلهی سیلیزی دهبێ.