ئهڤرۆ سپێدێ تهرمێ گهنجهكێ ل گوندێ بالندا یا سهر ب دهڤهرا بارزان هاته دیتن، ئێك ژ وان كهسێن تهرم دیتى بۆ نووچهیێن وشه دیاركر كو تهرم یێ ئهوى گهنجى یه كو بهرى 10 رۆژان ل شێلادزێ خهندقى.
ئهڤرۆ ئێكشهمبى، 21ێ خزیرانێ، نازم موستهفا هلورى، ئهو گهنجێ تهرم دیتى بۆ "نووچهیێن وشه" گۆت، ئهڤرۆ سپێدێ ل سهر رووبارێ زێى مهزن و ل گوندێ بالندا یا سهر ب دهڤهرا بارزان تهرمێ مه تهرمهك دیتن.
زێدهتر گۆت "ئهز و كهسهكێ دى ل سهر رووبارى بووین و ژ نیشكهكێڤه مه تهرمێ كهسهكێ د رووبارى دا دیت كو ل دارهكێ دا ئاسێ ببو، پشتى مه ئینایه دهرێ دهركهفت تهرمێ ئهوى گهنجێ بهرى 10 رۆژان ل شێلادزێ كهفتیه د رووبارى دا و خهندقى"
بهرى 10 رۆژان گهنجهكێ بناڤێ حهجى شهمسهدین رێكانى ل شێلادزێ كهفتبویه د رووبارى دا و خهندقى، پشتى لێگهریانهكا زۆر ئهڤرۆ هاته دیتن و بۆ نوژداریا داد ل ئامێدیێ هاته رهوانهكرن.